coffee forum, 咖啡討論區, 咖啡購買區, fresh coffee beans and tea house

[seiyapicasso]

今日同老婆去左呢間位於女人街入面既餐廳, 係我哥去過介紹我地去食.

唔好意思, 我無影到相.

我地點左兩個晚餐, 一羅宋湯, 一忌廉湯, 一個肉眼扒, 一個羊扒配大蝦.

我將餐飲轉了做espresso. 最後點左甜品 一個朱古力梳乎理, 一個雜果拿破崙.

杯espresso 都有50~60cc, 諗住好thin 啦....crema 有點白. 估唔到入口覺得個body 都唔錯, 仲有d 幾甜既感覺, blend 得都好似唔錯.

湯好濃郁, 好夠味. 都幾多料. 餐包係一個蜜糖麵包, 好香好好味, 不過d 牛油味就完全食唔到, 查左牛油等於無查咁. 蓋過左.

羊扒係我既, 我其實要med, 不過佢做出來都有 med-fine, 雖然未算well done, 不過都起碼都7-8成熟. 不過入口都仲好嫩, 好有肉味, 不過一d 都唔"蘇". 大蝦煎得好香, 雖然略略鹹左d d, 不過味道補救番晒, 個頭d 糕都好好味.

老婆個肉眼就真係order 7成熟, 不過都好"淋", 切開同食落口都feel 到仲有d 肉汁.唔會覺得好乾. 都算唔錯.

個拿破崙焗得好香, d 皮脆得來有咬口, 我老婆仲估會唔會唔係果度整, 而係o係外面買番來既, 幾好味, 唔錯, 吉士打得幾好, 甜而不"漏".

梳乎理係order 時即焗, 要等20min, 賣相唔錯, 入口即溶, 朱古力槳有點過甜, 不過我like 朱古力 very much 所以我ok. 加埋一齊好yummy.

整體來講, 唔錯, 值得握介朋友去食, 我地都會再去.

兩個人, 晚餐加甜品, 大約$300 左右, HSBC/ DBS / 東亞 card 有9折. 即係平番個加一番來.

順帶一提, 果度有紅酒供應.
_________________


有囡萬事足......................^_~
阿喵, 我好掛住你, 希望你在另一個世界得到幸福....

[phillip]

[seiyapicasso]

[littlelittle]

佢以為係去左DATE... XDDDDD
_________________
路邊野花不要採 路邊貓貓要疼愛