coffee forum, 咖啡討論區, 咖啡購買區, fresh coffee beans and tea house

[tucuxi]

同事早前帶了一個 Bialetti Easy Timer 放在 office, 自此以後迷上 moka pot 出來的 thick body, 把自己的 french press 和 aeropress 都冷落在一旁.

回家後, 量度家中三頭煤氣爐, 中間爐頭的大小, 剛好可以放得下 4-cup 的 Brikka.

再三考慮後, 終於把 Brikka 買回家.

初次嘗試.

豆是哥倫比亞翡翠山 (Columbia Emerald Mountain)
Full City roast
Roast Date: 26.08.2012
粉量: 24g

至於煲啡日期係今天, 12.09.2012

豆只能算係麻麻地新鮮.

做法係先用電子水煲煲新鮮過濾水, 同時以 hario 手磨 8 格磨粉.

水滾後, 將 160ml 水倒在下壼, 將粉放進 filter, 填滿後撥平, 沒壓粉.

然後將 filter 放入下壼, 再將上壼扭緊.

開火, 火力開至 1/3 左右, 以火焰不超過下壼闊度為原則, 然後把壼放上去, 如上圖.

由開火至出啡差不多 4 分鐘. 出啡後關火. 出啡情形如下:

http://youtu.be/qMiJLgtDn8Q

斟出來後:



雖然沒有期待中的 creama, 但入口感覺 body 非常厚, 酸味明亮, 然後轉為甘味, aftertaste 有甜味, 而且非常悠長.

放涼至室溫後, 酸味稍歇, 有明顯果味 (可惜味覺有限, 未能分辨是甚麼果味).

由於無苦澀味, 無燒焦味, 我姑且算自己是成功了.
_________________

[tucuxi]

今朝又沖o左一壼.

豆係 瓜地馬拉 安提瓜 花神 Guatemala Antigua La Flor del Cafe, 因為比較鍾意花香味同果酸味, 似乎炒淺o的好o的 (是嗎?), 所以是 city roast. 炒豆日期唔記得係 11.09.2012 定 12.09.2012.

又係先用電子水煲煲滾o左水, 同時綜合 landy 同 shing 哥建議, 以我個 hario mss-1b o既 8 格磨豆, 先係磨 24g 豆, 落 filter 後只有 9 成滿左右, 再磨多 4 g 豆, 大約 9 成 9 滿. 然後將約 160ml 滾水斟落下壼, 放 filter, 扭實上壼.

(btw, 呢隻 brikka 下壼唔覺有水位線, 上壼反而有個標記, 說明書係話以標記量水, 試過係 160ml 左右, 所以 160ml 水應該係上限.)

今次 1 分鐘左右上壼就有少量咖啡滴出, 到 2:30 左右算係爆發, 但無第一次 (即係上面段片) 爆得咁快, 爆發就熄火, 約 2 分 45 秒左右出晒啡.

第一次試呢隻豆, 無從比較. 未入口, 從杯中o既流動, 就見到 body 相當厚, 類似忌廉湯o既質感. 入口係柔和o既酸甜味, 近乎無甘味. 放涼至室溫後, 酸味變得明亮, 但嚥下後喉嚨覺得有o的刺激, 唔知算唔算係鹹味定辣味. 而 aftertaste 都係甜味.

請教一下, 如果真係有鹹味或辣味, 係因為濃度太高定過分萃取呢? 如果想改善, 請問應該點做呢?

另外, 如上所述, 落粉時係 9 成 9 滿 filter, 煮完後因為趕住洗o野出門口, 所以斟出o黎後打側個壼沖水冷卻, 期間聽到空氣通過壼身o既聲音 (我估係空氣倒抽返入下壼?), 拆開上下壼後, 見到個粉餅只佔 filter 7 成滿左右. 請教一下, 以為熱水沖過o既粉, 唔係會澎漲o左嗎? 係原本無壓實, 所以粉餅反而細o左嗎? 請問沖完出現呢個現象, 係正常嗎?

謝謝.
_________________

[tucuxi]

順便問一下: 最近睇緊韓懷宗著, 推手文化出版o既 "精品咖啡學" (2012 年 3 月初版二刷), 睇到下冊 "金杯準則", 其中粉量/水量如果係通過 SCAA, SCAE 或 NCA o既金杯區間, 即萃取率介乎 18-22%, 濃度介乎 1.15% - 1.55%, 粉量係由 50g/1000ml - 70g/1000ml 不等.

書中提及呢個金杯準則係以濾泡咖啡為準, espresso 則作別論.

好不容易明白萃取率同濃度係咩一回事, 但一直唔係好明呢條粉量o既線.

請問, 萃取率及濃度係咪受研磨粗幼, 水溫, 沖煮時間及沖煮方法等影響 (攪拌太複雜, 暫不考慮 )? 如果係咁, 請問粉量條線係點睇的?

回想起來, 過往用 french press, 粉量係 20g/300ml, 即 66.7g/1000ml, o係未量度萃取率及濃度o既情況下, 符合上述粉量o既線. 請問意思係, 如果以金杯準則作參考, 我應該保持呢個粉量, 而調校研磨粗幼, 水溫及沖煮時間, 係嗎?

但譬如 aeropress 係 20g/200ml, 即 100g/1000ml, 已經超出甚多, 我應該減粉量, 然後再調校粗幼, 水溫, 時間嗎? 定係 aeropress 已經唔可以參考呢個準則?

冰滴係 60g/600ml, 亦係 100g/1000ml, 同樣超出甚多.

而家 moka pot 係 28g/160ml, 即 175g/1000ml, 簡直完全唔係該回事了.

(話時話, 我通常係用磅o黎量水量, 即係假設水o既密度係 1, 即 1g 水 = 1ml 水. 但呢個方法應該唔準確, 因為會受水溫影響, 尤其冰滴時冰o既重量更加未必等於水量, 係嗎?)

extractmojo 買唔起, 拎去 kb 量度又無咁好心機, 如果有時間, 實在想試下用該書中提及o既土法量度一下萃取度同濃度.
_________________

[tucuxi]

仍然每朝一壼 brikka.

琴日仍然係用同一包 瓜地馬拉 安提瓜 花神 Guatemala Antigua La Flor del Cafe, city roast. 炒豆日期 12.09.2012, hario mss-1b 8 格, 28g, 電子水煲水溫至約 85c 時熄火 (即係水未滾), 斟 160ml 水落下壼, 放粉落 filter, 砌好.

效果同上次無乜分別, 都係 2:30 左右慢速噴發, 熄火後約至 2:45 靜止. body 同味道同琴日無乜感覺好大分別.

今朝仍然用同一包豆, 研磨度改為 6 格, 同樣 28g, 今次唔記得熄電子水煲, 所以係水滾後斟落下壼, 攤涼至 70c 後裝砌.

唔知係咪粉幼o左o既關係, 1:00 左右有少量啡滲出, 然後停止, 到 1:30 左右慢速噴發, 熄火, 但噴發速度比之前更慢, 要到 2:00 左右先出晒.

body 仍然厚, 酸味更柔和, 比星期四或琴日o既甘味明顯少少, 但仍以果酸味為主. 攤涼至室溫後酸味明亮, 同樣有甘味, 而且同樣咬喉.

未有師兄師姐指教, 聽日會試磨粗, 磨成 10 格試試...

btw, 煮完後將壼打側沖水約 10 秒拆開, 粉餅倒出o黎後, 粉平均地乾. 聽日唔使返工, 有時間的話會試下用焗爐烘至全乾再秤下, 試下計濃度同萃取度, 再請師兄師姐指教.
_________________

[tucuxi]

早前包 瓜地馬拉 安提瓜 花神 Guatemala Antigua La Flor del Cafe 沖完, 最後一次係試用 hario mss-1b 10 格, 但上下壼拼合得唔好, 有少少漏水情況, 以致下壼壓力不足, 煮長o左時間先出啡, 結果係果酸味同甘味都重.

新買一包 薩爾瓦多溫泉咖啡 (El Salvador Santa Teresa Pakamark), 點知又係上下壼扭得唔實, 今次仲衰, 一路煲一路見上下壼之間有蒸氣走出o黎, 結果 3 分 45 秒先慢慢出啡, 一熄火就唔再出. 結果都係唔好飲.

真係唔可以慳力的.
_________________

[yeung]

you就好啦屋企煤氣爐d火好勁一般 moka pot 肯定好快跪低

用唔到剩係可以用細火

[pomelohk]

tucuxi 兄, 你好.
我會覺得brikka 2:00-2:30 出咖啡係較好飲的.
手磨10格, 好似太粗了.

我用2人份brikka, 會落14.5-15g 粉. 但出幾多啡就唔係我控制了. 要睇個壺既心情. 哈哈. 不過我同意1g = 1 ml 水. 一樣物質不論物理形態改變 (solid/liquid), mass 理應不變. 100ml (g) 水結成冰, = 100g 冰, 最後溶返100 g (ml) 水滴

[tucuxi]

漏咗眼樓上師兄嘅回覆添, 不好意思.

我以前完全誤解手磨 1 格嘅意思, 我係用死力扭到個螺絲真係扭唔郁, 放鬆第一格做第一格, 所以所謂 8 格 10 格, 可能只係 3 格 4 格.

好耐無煲, 今次真係手磨 8 格了, 24g 粉, 160ml 水, 1:30 左右出啡, 出啡熄火, 2:30 左右出完.

豆係秘魯 Cenfrocafe 合作社, full city plus (其實本應想要 full city, 落單落錯咗, 又通知唔切 landy...), 2013 年 2 月 18 日炒, 3 月 17 日煲, 實在係相當麻麻地新鮮.

味道有啲澀味, 唔鍾意, 所以無試真 但回甘唔錯, 香而悠長.


_________________

[翀]

請問..
咁點為止一格?

[tucuxi]

師兄, 我後來嘅理解係螺絲拎到感到有阻力, 再試試手把係咪攪動到, 如果剛剛攪動唔郁, 就係 0 格.
_________________

[翀]

嘩, 咁睇黎我一直都比預期較緊左2-3格!!

[tucuxi]

Kenya Alice Peaberry, Full city plus, roast date 2013-05-17


_________________