coffee forum, 咖啡討論區, 咖啡購買區, fresh coffee beans and tea house

[tucuxi]

繼續使用酒精燈煮虹吸.

喺 200ml 水嘅情況下, 推拉酒精燈, 沖煮期間大約有 7-8 成時間可以做到上壼無大小氣泡. 控制上壼溫度方面, 下壼水溫 90 度插正上壼, 初上水時, 上壼水溫約同樣 90 度, 但透過推拉酒精燈, 可以控制上壼水溫處於 86.5 度左右.

最近情迷瓜地馬拉嘅豆, 覺得用呢個溫度煮, 香氣同果酸味最啱心水.

但當貪心加水到 400ml (下壼 8-9 成滿), 同樣下壼水溫 90 度左右插正上壼, 但要等到水大滾, 水先會升上上壼, 以致上水後, 上壼水溫達到 98-99 度. 即使耐心推拉酒精燈, 可能耐性唔夠, 當上壼水溫降到 92 度左右, 就難以再下降, 試過兩次上壼水喺 92 度以下不久就全部衝返晒落下壼, 擋都擋唔住, 濾布洗得乾乾淨淨.

但洗濾布唔係我呢兩次嘅目的呀!

請教師兄師姐點解會有呢個唔同?

妥協, 以 92 度煮. 但味道方面, 都係鍾意 86 度煮嘅多啲. 幸好攤返涼後, 都算好飲 (以自己口味而言).
_________________

[tucuxi]

話時話, 今早約 7:45 煮好一壼, 一半斟出嚟, 放喺瓷杯, 9:00 左右先飲完, 當然係室溫了.

另一半留喺下壼, 9:15 左右太太先飲, 斟出嚟, 仍然係暖的.
_________________

[pockychan]

[pockychan]

其實水溫問題所有沖法都係一樣!!!

只要水溫高過92-3度以上都係出問題多....
_________________
義式味濃厚、虹吸好休遊；法蘭滿室香、冰滴在心頭!!!

[pazu]

[pockychan]

[tucuxi]

早前提及用 400ml 水時, 上壼水溫較難控制.

後來學識由上水開始推拉燈, 控制溫度容易咗.

琴日再試 400ml, 開始上水就開始推拉燈, 想上壼水溫高啲, 燈就喺下壼燒耐啲, 相反地, 想上壼水溫下降, 燈就擺開耐少少, 上水至 2/3 左右, 溫度可以穩定地控制於 86c, 於是落粉, 繼續以推拉燈控制上水, 水升晒上上壼後, 就保持上壼無氣泡, 而啡又唔會衝落下壼.

煮完後, 下壼啡溫 86c, 成功!
_________________

[tucuxi]

4 個月前以為自己慢慢掌握到上壼溫度, 但最近唔落粉試手法, 其實上壼溫度仲係好唔穩定...

無論用 200ml 水定 400ml 水, 而家都係滾水落下壼立即插正上壼, 開始上水就推拉燈, 可能呢排天氣涼咗, 上壼溫度計量得溫度通常喺 80-82c 之間. 如果遲啲先開始推拉燈, 水溫會高啲, 但大概因為上壼上端開口闊, 水溫好容易下降. 如果將燈喺下壼燒耐啲, 一唔小心氣泡上升, 溫度降得仲快. 溫度就此升升降降, 要保持穩定溫度, 唔知可以點做.

啡落下壼後量溫, 通常係量得 84-88c 之間, 但一來無信心得出呢個溫度, 二來唔肯定沖煮期間溫度有無升降, 唔到飲落口嗰一刻, 都唔知沖成點, 唔似得手沖, 上次沖同下次沖, 多少知道有個譜.
_________________