coffee forum, 咖啡討論區, 咖啡購買區, fresh coffee beans and tea house

[fung373]

我岩岩團購左一個比較平既虹吸咖啡!!想學下野先!!不過就有D問題希望各位可以解答一下小弟!!感激感激!!

1) 如果自己用手搞下搞個D磨豆機( SORRY唔係好識D名=[) 係唔係將D豆磨得愈幼細愈好?
2) 我上網睇有好多唔同既沖法 有D係落左粉去個上壺先插入下壺 有D就等D水上得7788 穩定哂先落粉 其實係唔係有分別??
3) 用酒精燈係唔係比較難控制??如果用有冇咩地方要注意?因為我地睇大家既POST都有提到用溫度計配合比較好!! 想問下大家係等下壺既水上到上壺 度完先落粉!??
4) 我睇當人地用完之後個濾格要先用水洗一洗 再浸係一D 係60度左右既水到 之後再用清水浸住入雪櫃 依個做法岩唔岩?

辛苦哂大家睇咁長!!因為我唔想做錯野搞到整爛野/哂哂D野 所以想做齊功課 明白哂D野先開始!如有錯請指教 MANY THX!!

[pockychan]

呢排我都想開始學虹吸....睇左幾多資料...睇下幫唔幫到你??

1.一定唔係啦..太幼細應該愈容易苦...詳見TIAMO官方教學!!
http://www.youtube.com/watch?v=URpBsgKF3Yk&feature=related

2.傳統就係落粉先!!應該係現代講求準確萃取時間而改為後落...
味度差別就唔知啦....

3.登山GAS爐火力控制應該易過酒精燈好多!!
http://freshcoffeentea.no-ip.info/store/index.php?main_page=product_info&cPath=7&products_id=265

4.岩!!其實法蘭絨濾布都係咁處理!!

如有錯請各師兄代為指正!!THANKS!!
_________________
義式味濃厚、虹吸好休遊；法蘭滿室香、冰滴在心頭!!!

[isaac1213]

你好！又試下答下先！
1. pocky兄答得好清楚。但我想問一問你係用邊款手磨？因為款款磨o既設定都可能有d唔同。如果係Hario mss-1b，我估由最緊鬆番8-10格應該差唔多，可以試下由呢個range試。
2. 我就覺得對於我地呢d新手都係先上水後落粉會好d，因為水溫準確d，下次想改變味道都知點改！例如試下唔同水溫對味道有咩分別，高溫會點，低少少又會點。咁先可以肯定水溫，否則次次都落粉d水都唔同溫度。
雖然可以度下壺溫度，但我次次水升後上壺後，水溫都會跌左d。
3. 酒精燈要多d技巧去控制火力，因為個火唔可以教大細，只可以移動酒精燈燒下壺唔同位置去改變火力。近中心d，水就受熱多d。係2.答左你，我會等下壺既水升上到上壺，而等水溫啱，先落粉。試過水溫攝氏85度-88度，其實由你主意，冇乜所謂，唔一次呢個range，但當然唔好成100度啦！
4. 我就會先用凍水沖乾淨，之後浸熱水，常溫之後放入雪櫃。
_________________
我的咖啡日誌︰http://isaacwmt.wordpress.com/
Gaggia Classic + Eureka Mignon + 小飛馬 + OE LIDO#629 + OE LIDO 2 (1st Batch) + KONO SK-3A + KALITA 600

[tlm16]

從我本人鍖坽睇呢

首先磨豆機調到最緊之後往上松三圈左右，係圈唔係格！記住！即係中度偏粗。

至於落粉呢，我個人比較偏愛后落，因為先落粉容易萃取過度，就算你係酒精燈溫度較低升溫慢都好難把握到一個好溫度。

酒精燈的確難控制D而且升溫好慢，建議買登山瓦斯爐，但一定要配一個可以即時測出溫度溫度計！！虹吸壺一定唔可以捨得買溫度計同瓦斯爐錢！！因為虹吸壺升溫好快，所以你要學會控制溫度！！而瓦斯爐可以通過調整火力達到溫度基本上剖驠！

濾布清洗基本冇錯！

我MSN：b1966e@live.cn
有問題可以直接問我

[fung373]

感謝各位教導!有問題會再請教